मजदुर (कबिता )

May 2 at 2:44am ·

मजदुर (कबिता )
कतिओटा झण्डा हल्लायौ आज
देउ ति नांगा हरुलाई एउटा फरिया पुग्ला
कहिल्यै मिठो बोलेका छौ ?
जब त्यो केटोले कुनै बारमा बोतल खसालेकोथ्यो

त्यो बुर्ज खलिफा
त्यो पल्लो काँचको महल
त्यो बिश्वकपको मैदान
अरब सागरमा तैरिरहेको
भिमकाय त्यो डुङगा
ति मग मगाउने बगैँचा
त्यो सडकको भित्तो
कुँदिएको कला
अनि तिम्रा घरका एक एक इट्टाहरु
हो मैले बनाएको हुँ ,
रंगाएको हुँ
माओ को च्यातिएको जुत्ता ,
स्टालिनको मुर्तिमा पनि मेरा पसिनाको गन्ध छ
हो म मजदुर हुँ
आज खुब ढोल पिट्यौ
पानि माथिको ओभानो
के दिल बाट मेरो श्रमको कदर गर्छाै ?
तिमी उन्मातले नशामा झुम्दा
म थकान ले उम्दछु
तिम्री जहान झैँ मेरी प्रियसीको रवाफ कहाँ छ ?
कुर्सिमा बिराजमानका अघि म
इमान बेचिरहेछु
ताप जति ताप्न सक्छौ
तातो कोइला हुँ,
टेबलमुनिकी लक्ष्मिले मगज खुस्किएको तिम्रो सान अघि
मेरो परिश्रम कहिल्यै झुक्दैन
जब सम्म तिमी ति ढोँगि
रुपैयाका दलालहरु लाई सलाम गर्छौ
मेरो श्रम लाई रुपैयामा जोख्छौ
श्रम देखि लजाएर
जब भिर्छाै खोक्रो आडम्बर
हो समाज साँच्चै गरिब हुनेछ ।
@karkirabindraUAE/2016/05/01